Սեպտեմբերի 8-ը նշվում է որպես լրագրողների համերաշխության օր: Այս առթիվ Հայաստանում, կարծես թե, մեծամասշտաբ միջոցառումներ չանցկացվեցին, հաղորդում է panorama.am-ը: Իսկ Մոսկվայում, ինչպես հաղորդում է «Ինտերֆաքս»-ը, Ռուսաստանի Ժուռնալիստների միությունը անցկացրել է զոհված գործընկերների հիշատակին նվիրված բարեգործական ակցիա: Վերջին տասը տարում այդ երկրում ավելի քան 300 լրագրող է սպանվել, սակայն բացահայտվել է դրանց 1/10 մասը: Տվյալները հաղորդել է միության նախագահը:
Լրագրողների համերաշխության օրը սկսել են նշել 1958 թվականից՝ ի հիշատակ 1943 թվականին Բուխարեստում Նացիստական Գերմանիայի կողմից մահապատժի ենթարկված չեխ լրագրող Յուլիս Ֆուչիկի:
