![\"\"](\"https://www.aravot.am/2010/aravot_arm/December/1/p18.jpg\")
Մարիանսկե Լազնեում ավարտվեց վետերան եւ երիտասարդ կին շախմատիստների յուրօրինակ մրցաշարը, որում կողմերը միավորվել էին եւ կազմել «Ձնծաղիկներ» եւ «Ծերունիներ» թիմերը: Մրցապայքարն ավարտվեց «Ձնծաղիկների» համոզիչ հաղթանակով՝ 17:11, որի կազմում հանդես էին գալիս գրոսմայստեր Համփի Կոներուն (Հնդկաստան), կանանց միջազգային վարպետներ Արիանե Կաոիլին (Ֆիլիպիններ, Ավստրալիա), Թերեզա Օլշարովան (Չեխիա) եւ գրոսմայստեր Վիկտորյա Չմիլիտեն (Լիտվա): Իսկ «Ծերուկները» ներկայացված էին անցած դարի այնպիսի շախմատային հսկաներով, ինչպիսիք են Վոլֆգանգ Ուլմանը, Վլաստիմիլ Հորտը, Լայոշ Պորտիշը եւ Դրագոլյուբ Վելիմիրովիչը:
Այս մրցաշարը հայ շախմատասերներին հետաքրքիր է նրանով, որ հաղթող թիմի կազմում հանդես էր գալիս Լեւոն Արոնյանի ընկերուհին՝ Արիանեն (լուսանկարում), որը խաղացած 8 պարտիաներում վաստակեց 3,0 միավոր: