![\"\"](\"https://www.aravot.am/2011/aravot_arm/March/30/p16.jpg\")
Հանդբոլի Հայաստանի մինչեւ 17 տարեկանների հավաքականի նորամուտը Ռումինիայի Յասի քաղաքում անցկացված Եվրոպայի աղջիկների առաջնության ընտրական մրցաշարում անհաջող ստացվեց: Վեցերորդ խմբում մեր աղջիկները երեք հանդիպում անցկացրին եւ երեքում էլ պարտություն կրեցին խոշոր հաշիվներով: Մեկնարկային խաղում նրանք 9:54 հաշվով զիջեցին Հոլանդիային, այնուհետեւ պարտվեցին տանտիրուհիներին՝ 13:57 եւ վերջին խաղը տանուլ տվեցին իսրայելուհիներին՝ 7:26: Մեր թիմին չօգնեցին նաեւ մրցավայրում նրանց միացած հինգ ֆրանսահայ հանդբոլիստները: