Գյումրու Գյուլբենկյանի անվան վիրաբուժական հիվանդանոցում խուլիգանություն կատարելու՝ հիվանդանոցի ապակիները կոտրելու, բժիշկների աշխատանքն ու հիվանդների հանգիստը խանգարելու մեղադրանքով երեկ ձերբակալվել է 37-ամյա գյումրեցի Արտյոմ Գեւորգյանը: Վերջինս եղել է հարբած վիճակում: Բանն այն է, որ նա բուժզննման ենթարկվելու նպատակով այցելել է բժշկուհի Արեւիկ Ծերունյանի բուժսենյակ, որտեղ եւ բժիշկները, տեսնելով նրա արտաքին վնասվածքները, ոստիկանություն են ահազանգել: Արտյոմ Գեւորգյանն էլ իր հերթին տեսնելով ոստիկաններին, «կատաղել է»՝ 15-20 րոպե խառնաշփոթ ստեղծելով բուժսենյակում: Նշենք, որ երիտասարդը նախկինում 4 անգամ դատապարտված է եղել, ընդ որում՝ վերջին անգամ «նստել» է ոստիկաններին դիմադրություն ցույց տալու համար:
