Ադրբեջանում որոշում է ընդունվել դեռահասների համար դեսանտային դասընթացներ կազմակերպել: Այդ մասին հաղորդում է Trend-ը: Ադրբեջանի ռազմա-սպորտային-հայրենասիրական կամավորականների ընկերակցության խորհրդի ղեկավար, գեներալ-մայոր Նովրուզալի Օրուջեւը հայտարարել է, թե դասընթացների ժամանակ դեսահասները կսովորեն թռչել օդապարիկներով, ձեռնամարտ վարել եւ կրակել: Հատուկ նշանակություն է տրվելու օդապարիկով թռիչքներին, քանի որ, Օրուջեւի կարծիքով, հոգեբանական այդ արգելքը հաղթահարելով, մարդը չի վախենում ո՛չ ռազմական, ո՛չ էլ այլ իրավիճակներից: Գեներալ-մայորը նման դասընթացների կազմակերպումը բացատրել է Ադրբեջանի պատերազմական վիճակում գտնվելու հանգամանքով: Սրանից ավելի վաղ Ադրբեջանում դեռահասների համար կազմակերպվել էին նաեւ դիպուկահարների դասընթացներ:
