![\"\"](\"https://www.aravot.am/2011/aravot_arm/July/8/p23.jpg\")
«Առավոտն» արդեն տեղեկացրել է, որ հունիսի 28-ին Ռուսաստանի շախմատի ֆեդերացիան պաշտոնապես հայտ է ներկայացրել ՖԻԴԵ՝ 2012 թվականին շախմատի աշխարհի չեմպիոնության համար աշխարհի գործող չեմպիոն Վիշվանաթան Անանդի (Հնդկաստան) եւ հավակնորդ Բորիս Գելֆանդի (Իսրայել) միջեւ կայանալիք մրցամարտը Մոսկվայում անցկացնելու համար: Սակայն Ռուսաստանում ՖԻԴԵ-ի ներկայացուցչության տնօրեն Բերիկ Բալգաբաեւը լրատվամիջոցներին հայտարարել է, որ, իր տեղեկություններով, Հնդկաստանում ներկայումս թագի համար մրցամարտը հյուրընկալելու ուղղությամբ նախապատրաստական լուրջ աշխատանքներ են տարվում: Նա նաեւ հավելել է, որ հնարավոր է երրորդ երկրի մասնակցությունը հայտարարված տենդերին: Տեղեկացնենք, որ հայտերի ներկայացման վերջնաժամկետը հուլիսի վերջն է, իսկ մրցույթին մասնակցելու պարտադիր նախապայմաններից՝ պահանջվող մրցանակային ֆոնդի ապահովումը: