NEW
![\"\"](\"https://www.aravot.am/2011/aravot_arm/October/14/p16.jpg\")
Այսօր Հանրապետական մարզադաշտում տեղի ունեցավ 22-րդ տուրի «Փյունիկ»-«Իմպուլս» հանդիպման վերախաղարկումը: Ինչպես հայտնի է՝ սեպտեմբերի 24-ին ՀՖՖ գործկոմի հերթական նիստի ընթացքում ՀՖՖ նախագահի առաջարկով քննարկվեց ու որոշվեց վերախաղարկել Հայաստանի առաջնության Բարձրագույն խմբի 18-րդ մրցափուլի «Փյունիկ»-«Իմպուլս» հանդիպումը՝ մրցավար Արման Ամիրխանյանի կոպտագույն սխալների պատճառով:
Սեպտեմբերի 18-ին կայացած խաղում նվազագույն հաշվով հաղթանակ էր տոնել չեմպիոնը, ուստի՝ կորցնելու բան ուներ միայն «Փյունիկը»: Իսկ «Իմպուլսը» վերջին շրջանում տոնած հաղթանակների ու «Գանձասարի» անհաջող ելույթների համատեքստում խաղի հաջող ելույթի դեպքում ավելի կմոտենար մրցանակային եռյակին: Խաղի հենց մեկնարկից դիլիջանցիները այդ նպատակն էլ հետապնդում էին ու նախ 19-րդ րոպեին Նորայր Գյոզալյանը բացեց խաղի հաշիվը, ապա՝ 3 րոպե անց կրկնապատկեց: Սակայն պահպանել այս առավելությունը մինչ խաղավերջ Արմեն Գյուլբուդաղյանցի սաները չկարողացան: Դեռ առաջին խաղակեսում հաշվի տարբերությունը կրճատեց Ղուկաս Պողոսյանը, իսկ 62-րդ րոպեին Հովհաննես Հովհաննիսյանը իր հարվածով հավասարեցրեց հաշիվը: Այսպիսով, վերախաղարկումից հետո «Փյունիկը» կորցրեց 2 միավոր՝ հազիվհազ ձեռքբերելով 1-ը: Իսկ դիլիջանցիները 3 միավորի հեռավորության վրա հայտնվեցին եռյակը եզրափակող «Գանձասարից»: Պայքարը կրկին թեժանում է:
Թիմեր Խ ԳՏ Մ
1 Ուլիս 24 18 48
2 Փյունիկ 24 7 41
3 Գանձասար 24 13 39
4 Իմպուլս 24 5 36
5 Բանանց 24 6 34
6 Միկա 24 5 34
7 Շիրակ 24 -17 20
8 Արարատ 24 -37 10
