Երեկ տեղեկացրել ենք , որ Սյունիքի մարզի Տաթեւ գյուղում բնակիչների մի մասը վառելափայտ չունենալու պատճաոով աթարի միջոցով է տաքացնում տունը: Ջեռուցման ավանդական այս եղանակին տաթեւցիներն ապավինել են` այլ տարբերակ չունենալով, գյուղը գազիֆիկացված չէ, վառելափայտը շատ թանկ է: Նաեւ կեսկատակ նկատել էինք, թե ժամանակին, երբ գազի սակագինը մեծացնելու որոշումն էր քննարկվում՝ ԲՀԿ պատգամավոր Վարդան Բոստանջյանն առաջարկում էր աթար վառել: Փաստորեն նրա առաջարկները կյանքի են կոչվում:
Ինչպես եւ կարելի էր ենթադրել Սյունիքն ու Տաթեւը միակը չեն: Արմավիրում էլ այլեւս հույս չկապելով բնակարանը գազով տաքացնելու հետ՝ հատկապես փոքր համայքներում, մարդիկ նորից անցել են տները ջեռուցելու պապենական մեթոդներին: Չնայած նրան, որ գրեթե բոլոր բնակավայրերը գազիֆիկացված են, այդուհանդերձ, մասնավորապես գյուղական շրջաններում մարդիկ տաքանում են աթարի, իսկ քաղաքաբնակների մի որոշ մաս`փայտի վառարաններով: Մարդկանց չի ոգեւորել նաեւ «Հայռուսգազարդի» ու «ԱԿԲԱ-կրեդիտ ագրիկոլ բանկի» նախաձեռնությունը. սպառած գազի դիմաց վճարելու համար բնակչին տրամադրել վարկ:
Մարիամ ԱՐՍԵՆՅԱՆ
Կարդացեք նաև
Մանրամասները՝ դեկտեմբերի 1-ի տպագիր «Առավոտում»
