Նրա երրորդ ամուսնությունը փլուզվեց, երբ պարզվեց, որ Էշթոն Քութչերը խաբել է նրան:
Դեմի Մուրը հանդես է եկել անկեղծ խոստովանությամբ՝ նա վախենում է, որ արժանի չէ սիրված լինելու: 49 – ամյա դերասանուհին արել է այս ցնցող հայտարարությունն Harper’s Bazaar-ին տված հարցազրույցում:
Ամսագրի վերջին թողարկման մեջ Մուրը բացահայտել է, որ ի սկզբանե վախեցել է լքված լինելուց, բայց իր մեծագույն վախն այժմ այն է, որ «քաջություն չի ունենա իրագործելու իր ողջ ներուժը»: Նա ասել է. «Հնարավոր չէ լիարժեք իրականացնել քո ներուժը, եթե իրականում չես գտել քո սերը»:
«Ինձ սարսափեցնում եմ, որ կյանքիս վերջում կպարզեմ, թե իրականում սիրարժան չեմ, արժանի չեմ սիրված լինելու, որ ինչ որ բան հիմնովին սխալ է ինձ հետ կապված»,- ասել է նա:
Դեմի Մուրը նոյեմբերին է դիմել ամուսնալուծվելու իր 6 տարիներ ամուսին Քութչերից՝ մեղադրելով, թե նա քնել է Սարա Լիլի հետ իրենց ամուսնության տարեդարձի շաբաթավերջին:
Քութչերն այժմ կապված է սցենարիստ Լորեն Սքաֆարիայի հետ, որի հետ Սուրբ Ծնունդն անցկացրեց Իտալիայում:
Նախքան Քութչերի հետ ամուսնանալը՝ Մուրը 13 տարի Բրյուս Ուիլլիսի կինն էր: Իսկ երբ 18 տարեկան էր՝ Դեմին ամուսնացել էր երգիչ Ֆրեդի Մուրի հետ, բայց ամուսնությունն ավարտվեց 1984 -ին:
