Aravot.am-ն արդեն տեղեկացրել է, որ 2008թ. «Մարտի 1»-ի գործով ժամանակին դատապարտված ավելի քան մեկ տասնյակ նախկին քաղբանտարկյալներ, որոնց գործերով հիմնական գանգատներն արդեն ուղարկվել են Մարդու իրավունքների եվրոպական դատարան, մտադիր են ՄԻԵԴ-ում իրենց գործերի քննությունը կասեցնել եւ դրա հնարավորությունը քննարկում են իրենց փաստաբանների հետ:
Մենք փորձեցինք այս տեղեկությունը ճշտել նաեւ նախկին քաղբանտարկյալներից: Նրանցից մեկը՝ «Մարտի 1»-ի գործով դատապարտված եւ 2009-ին ՀՀ ԱԺ որոշման հիման վրա համաներմամբ ազատ արձակված Սուրեն Սիրունյանն Aravot.am-ի հետ զրույցում ասաց, թե ինքը տեղյակ է այդ մասին, բայց դրա մասին կխոսի առաջիկա օրերին: Իսկ առայժմ նա, իր ասելով, սպասում է իր փաստաբան Վարդուհի Էլբակյանի վերադարձին, որն այս օրերին Հայաստանում չէ:
Հիշեցնենք, որ Aravot.am- ին ՀԱԿ-ում այս առնչությամբ ասել էին, թե նման տեղեկություններ չունեն:
Նաիրա ՄԱՄԻԿՈՆՅԱՆ
