Երեկ Կենտրոն եւ Նորք-Մարաշ վարչական շրջանների ընդհանուր իրավասության դատարանում, դատավոր Մնացական Մարտիրոսյանի նախագահությամբ, նշանակվել էր Դավիթ Օսիպյանի նկատմամբ հարուցված քրեական գործով դատական նիստը: Դավիթ Օսիպյանը մեղադրվում է անչափահաս Մ. Բ.-ի բռնաբարության համար: Բռնաբարությունը տեղի է ունեցել անցյալ տարվա նոյեմբերի 23-ին՝ մայրաքաղաքի Կորյունի փողոցի վրա գործող «Դուետ» բարի առանձնասենյակներից մեկում: Անչափահաս աղջնակը ստացել էր նաեւ մարմնական վնասվածքներ:
Ուշադրության արժանի է այն, որ այս գործը դռնփակ ընթացակարգով է ընթանում, անչափահաս զոհի ինքնության պաշտպանության եւ անվտանգության նկատառումներից ելնելով, ինչպես լինում է նման գործերով: Սակայն «ԴատաԼեքսի» վազող տողում չէր հարգվել այս սկզբունքը, եւ զոհի անունը ներկայացվել էր այնպես, ինչպես պատկերված է լուսանկարում:
ՌՈՒԶԱՆ ՄԻՆԱՍՅԱՆ
Կարդացեք նաև
«Առավոտ» օրաթերթ
