«Վճռական եղեք, մենք պետք է համախմբված պայքարենք այն քաղաքական ուժերի դեմ, որոնք ուզում են փողով գնել մեր երեխաների ապագան, մտածեք այդ մասին, հասկանո՞ւմ եք՝ մենք գիտակցումով պետք է օգնենք մեր բարեկամներին ու հարեւաններին, որոնք չեն գիտակցում, որ այսօրվա մի քանի կոպեկով վաճառում են վաղվա մեր ապագան …Սովորել ենք պարոն Բաղդասարյանից՝ ինչպես երկիրը տանել առաջ: Դուրս եկեք պայքարի, պետք չէ ամաչել: Սոցիալական դժվար երկրում շատ հեշտ է կոպեկներով գնել մարդուն, բայց մենք ոչ մի շիշ ջուր ենք, ոչ ՝մեկ բաժակ»,- այսօր «Օրինաց երկիր» (ՕԵԿ ) կուսակցության կանանց միության 7-րդ համագումարին կանանց դիմելով կոչ էր անում կուսակցության փոխնախագահ Հեղինե Բիշարյանը:
Նա նաեւ հավաքվածներին հորդորում էր սկզբունքային լինել. «Մեր անելիքները շատ են, որովհետեւ մենք օջախ ենք շենացնում ու ուզում ենք շենացնել նաեւ մեր պետությունը: 15 տարիների կենսագրությունը ապացուցել է, որ ՕԵԿ–ը կարող է դա անել: Ի դեմս Արթուր Բաղդասարյանի՝ «Օրինաց երկիր» կուսակցությունում կանայք շատ են…Ես պետք է կոչ անեմ ձեզ գրավել բոլոր ընտրական տեղամասերը. վճռական եղեք, մենք պետք է համախմբված պայքարենք»:
Aravot.am-ը ՀԱԿ անդամ Արման Մուսինյանից հետաքրքրվեց՝ ՕԵԿ-ը, որը պայքարում է քաղաքական այն ուժերի դեմ, որոնք փողով գնում են ձայները, ինչքանո՞վ է լավ օրինակ .«ՕԵԿ-ի ասածները մեկնաբանելը նշանակում է զբաղվել քաղաքական դիակապտությամբ: Խնդրում եմ՝ ինձ ազատեք նման հարցերից»:
Արփինե ՍԻՄՈՆՅԱՆ
Կարդացեք նաև
Տեսանյութը՝ «Ա1+»-ի
