Գաֆէսճեան արվեստի կենտրոնը այս տարի ևս մասնակցում էր թանգարանային գիշերվան: Ժամը 10-ից նա իր դռներ էր բացել բոլորի առջեւ: Մուտքն անվճար էր: Ցուցադրում էին երեւանյան կոլեկցիոներների հավաքածուները, «Սվարովսկի բյուրեղյապալատ աշխատանքները» և Ռուսական թանգարանի կողմից ներկայացաված «Գարնանային մոտիվներ»-ի ընտրանին: Կենտրոնի հանրային կապերի և մարքեթինգի պատասխանատու Սոխակյան Լիլիթը մեզ ասաց, որ «Սվարովսկին» այս տարի, հատուկ թանգարանային գիշերվա համար, համալրվել է ևս հինգ դիզայներական աշխատանքներով:
«Առավոտ երիտասարդականը» նույնպես Գաֆէսճեան արվեստի կենտրոնում էր: Մեր շրջայցի ժամանակ այն այցելուների պակաս չուներ. Ամեն ցուցասրահի մոտ հերթ էր: Դա նաև նկատել էր Լիլիթը. «Անցյալ տարի մենք ունեցել ենք գրեթե 70 հազար այցելու, իսկ այս պահին արդեն իսկ նրանց թիվը անցել է 50 հազարից»:
Արվեստի կենտրոնի այս տարվա նորությունը երևանյան կոլեկցիոներների ընտրանին էր: «Անցյալ տարվա մեր նորությունը Հակոբ Հակոբյանի ցուցահանդեսի բացումն էր: Ստացվում է այնպես, որ ամեն տարի մենք նոր ցուցահանդես ենք բացում, ինչն էլ, կարծում եմ, այսքան այցելուների այցի պատճառ է դարձել»,- ասում է Լիլիթը: Ըստ նրա` այս թանգարան այցելում են հետաքրքրության համար, այլ ոչ թե նրա, որ անվճար է: Թագարանային գիշերը կեզրափակվի կես գիշերին:
Արամ Արարատյան
