Սեպտեմբերի 20-ին Մոսկվայի Գինու գործարանում պետք է բացվեր «Հոգեւոր հայհոյախոսություն» գեղարվեստական ցուցահանդեսը, որում պետք է ներկայացվեին «ժամանակակից սրբապատկերներ»: Նշանակված ժամին պատկերասրահի մուտքի մոտ հավաքվել էին շուրջ 50 «ուղղափառ» ակտիվիստներ եւ մի քանի կազակներ, որոնք այցելել էին ցուցադրությունն այրելու նպատակով: Ցուցահանդեսի պահապանները որոշեցին ներս չթողնել անկոչ հյուրերին: Այդ ժամանակ կազակներն ասացին, որ եթե իրենք ներս չմտնեն՝ ոչ ոք ներս չի մտնի եւ փակեցին մուտքը:
Հընթացս «ուղղափառները մի-մի մուշտիներ էին հասցնում ժամանակակից արվեստի երկրպագուներին: Ոստիկանները բերման էին ենթարկում ամենակատաղիներին: Շուտով ոստիկաններին օգնության հասավ միլիցիայի հատուկ նշանակության ջոկատը:
Կազակներից սկսեցին առգրավվել զենքերը:
Կարդացեք նաև
Զավեշտ է, բայց այսպես կոչված «կազակները» արագ ճողոպրեցին, հենց ոստիկանությունը զգուշացրեց նրանց հնարավոր ձերբակալության մասին:
Եղան հարձակումներ նաեւ լրագրողների վրա:
Պոկեցին ցուցահանդեսի ցուցապաստառը:
Այն բանից հետո, երբ ոստիկանությունն ի վերջո հաստատեց կարգուկանոն՝ ցուցահանդեսը բացեցին:
Եվ Հայր Իլարիոնը օծեց «ժամանակակից սրբապատկերները»: Թեեւ պնդում են, որ նա իսկական հոգեւորական չէր:
Իհարկե, որեւէ սրբապղծություն կամ սրբությունների ոտնահարում չկար այս ցուցահանդեսում: Տարբեր ժամանակներում տարբեր կերպ են նկարել սրբապատկերները: Ցուցահանդեսը կարող է դուր գալ կամ ոչ, բայց այն հաստատ չի վիրավորում որեւէ մեկին: Իսկ բողոքողներն ուղղակի ակամա գովազդեցին այն:
