Հայաստանի լավագույն գրոսմայստեր Լեւոն Արոնյանը Բիլբաոյում շարունակվող շախմատի «Մեծ սաղավարտ-վարպետներ» եզրափակիչ մրցաշարի յոթերորդ տուրում միավորը կիսեց աշխարհի նախկին չեմպիոն, հնդիկ Վիշվանաթան Անանդի հետ եւ 9,0 միավորով ընթանում է 3-րդ հորիզոնականում: Սա հայ շախմատիստի վեցերորդ անընդմեջ ոչ-ոքին է այս մրցաշարում:
Մրցաշարային աղյուսակը 12 միավորով գլխավորում են Մագնուս Կարլսենն ու Ֆաբիանո Կարուանան, Անանդը 7,0 միավորով չորրորդն է, Սերգեյ Կարյակինը՝ (5,0), հինգերորդը, Ֆրանսիսկո Վալյեխո Պոնսը 4,0 միավորով եզրափակում է մրցաշարային աղյուսակը: Այսօր գրոսմայստերները հանգստանում են: Վաղը՝ ութերորդ տուրում, հանդիպելու են Վալյեխոն եւ Արոնյանը, Կարյակինն ու Կարլսենը, Անանդն ու Կարուանան:
Աշոտ ՀԱԿՈԲՅԱՆ