«Գլենդել Հիլլզ» ընկերությունը «Ֆեյսբուքի» իր պաշտոնական էջում, ի պատասխան «Շիրակ կենտրոն» հ/կ-ի հրապարակած այն տվյալի, թե բնակարնների թիվը կրճատվել է, հանդես է եկել հետեւյալ պարզաբանմամբ. «Շիրակ կենտրոն հ/կ-ն տեսանյութ է տարածել այն մասին, որ պետական ծրագրով կառուցված բնակարանները ոչ բոլորին են բավականացնում և այդպիսի ընտանիքներից մի քանիսը ժամանակի ընթացքում դառնալով բազմանդամ, նախընտրում են ոչ բոլորով տեղափոխվել նոր բնակարաններ: Միաժամանակ տեսակետ են հայտնում, որ անօթևանների համար կառուցվող բնակարանների թիվը կրճատվել է: Մաղթելով, որ շատ շուտով բոլոր անօթևաններն արժանանան բնակարանի, տեղեկացնում ենք, որ ի սկզբանե, պետական ծրագրի մեկնարկին նախատեսված էր 2300 բնակարանի կառուցում, սակայն նախագծման փուլում ռեսուրսների օպտիմալացման շնորհիվ հնարավոր է դարձել կառուցել 2812 բնակարան»:
