Մինչեւ 2013թ. տարեվերջ ՀՀ վերահսկիչ պալատը ստուգումներ կանցկացնի Բնապահապանական տեսչությունում եւ Խոսրովի արգելոցում: Այս մասին հունվարի 11-ին ՀՀ բնապահպանության նախարարությունում տեղի ունեցած խարհրդակցության ժամանակ տեղեկացրել է ՀՀ Վերահսկիչ Պալատի նախագահ Իշխան Զաքարյանը: «Ըստ Իշխան Զաքարյանի մոնիթորինգն իրականացնող հանձնախումբը կազմված է: ՎՊ նախագահն առաջարկել է հանձնախմբում ընդգրկել նաեւ բնապահպանության ոլորտի ներկայացուցիչների:
Մոնիթորինգը շարունակվելու է մինչեւ տարեվերջ: Որպես օրինակ` Վերահսկիչ պալատի նախագահը նշել է Խոսրովի արգելոցի ուսումնասիրությունը` բացառելու արգելոցում ջրային ռեժիմը խախտող ցանկացած գործունեություն, տնտեսական եւ բնակելի օբյեկտների շինարարություն եւ շահագործում, որսորդություն, ձկնորսություն, կենդանիների ապրելու պայմանների խախտում եւ այլն:
ՎՊ վերահսկողությունն իրականացվում է հետեւյալ ուղղություններով` մթնոլորտային օդի պահպանություն, ջրային ռեսուրսների օգտագործում եւ պահպանություն, հողերի պահպանության, ընդերքի օգտագործում եւ պահպանություն, կենդանական եւ բուսական աշխարհի օգտագործում եւ պահպանություն, վտանգավոր նյութեր եւ արտադրության ու սպառման թափոններ, բնապահպանական եւ բնօգտագործման վճարներ: Սրանք են լինելու բնապահպանական վերահսկողության թիրախները»,- այս մասին մասնավորապես նշված է Վերահսկիչ պալատնի պաշտոնական կայքում:
ԷկոԼուր
