Մարտի 2-ին Րաֆֆի Հովհաննիսյանը ներկայացնելու է ապագա ուղենիշերը, այն ճանապարհն է ցույց տալու, որով պիտի շարժվի: Այս մասին նա հայտարարեց Նոր Հաճընում՝ բնակիչների հետ հանդիպմանը:
«Նոր Հաճընը ասաց՝ «ո՛չ կեղծիքին, ո՛չ վախին, ո՛չ սպառնալիքին», ասաց՝ «դո՞ւք ով եք»: Ով խախտեց օրենքը՝ մարզպետ է, գյուղապետ է, քաղաքապետ է, պատասխան է տալու օրենքի առջեւ: Հասկացա՞ք: Հստակ հասկացեք»,-ասաց Րաֆֆի Հովհաննիսյանը՝ նորհաճընցիների հետ հանդիպմանը:
«Թող որեւէ մեկը ժողովրդավարության դասեր մեզ չտա, եթե իրենք ճանաչում են ոչ լեգիտիմ, ժողովրդից գողացված իշխանությունը: Վաղը ում որ պետք է կասեմ՝ թե՛ Վլադիմիր Վլադիմիրովիչին, թե՛ Օբամային: Մենք լիքը-լիքը բան ենք կորցրել, բայց հիմա հետ ենք բերում: Ես ոչ մի տեղ չեմ գնալու, ես ձեզ մենակ չեմ թողնելու: Բայց պահանջում եմ եւ ակնկալում եմ ձեզնից, որ դուք ինձ մենակ չբերեք: Հաղթանակը պիտի բերենք Նոր Հաճըն եւ Հայաստանի Հանրապետություն»,-ասաց Րաֆֆի Հովհաննիսյանը:
Կարդացեք նաև
Ելույթի վերջում Փառանձեմ մայրիկը բերեց Սերժ Սարգսյանի եւ Ռոբերտ Քոչարյանի լուսանկարները եւ լուցկիով վառեց դրանք: «Պետք չէ, պետք չէ, Փառանձեմ մայրիկ»,- Րաֆֆի Հովհաննիսյանի այս հորդորը Փառանձեմ մայրիկը չլսեց, նկարներն այրվում էին: Րաֆֆի Հովհաննիսյանը մոտեցավ եւ իր ձեռքով կրակը հանգցրեց եւ համբուրեց Փառանձեմ մայրիկի ձեռքը:
Հռիփսիմե ՋԵԲԵՋՅԱՆ
