«Նիկոլ Փաշինյանի բերանում ճիշտ խոսք չկա, որովհետև պարբերաբար տարբեր ձևերով արդարացրել է նոր Սահմանադրության ընդունումը»,- ԱԺ ճեպազրույցների ժամանակ ասաց «Հայաստան» խմբակցության պատգամավոր Գեղամ Մանուկյանը։ Նա նշեց, որ Ռոբերտ Քոչարյանն ու «Հայաստան» դաշինքն իրենց գործունեությամբ փաստել են, որ համազգային, պետականության հետ կապված հարցերի շուրջ սակարկություն չի կարող լինել։
Անդրադառնալով Փաշինյանի այն հայտարարությանը, թե ճնշումներ կգործադրվեն ընդդիմության վրա, որպեսզի կողմ քվեարկեն նոր Սահմանադրությանը՝ Մանուկյանն ասաց․ «Նիկոլ Փաշինյանի այսօրվա հայտարարությունն իրականում պետական հեղաշրջման մասին հայտարարություն էր։ Փաշինյանն ամեն օր հետագայում իր դեմ հարուցվելիք քրեական գործերին նոր հոդվածներ է ավելացնում։ ՀՀ օրենսդրության համաձայն՝ ԱԺ պատգամավորների վրա ճնշման միջոցով քվեարկությունը չի կարող լեգիտիմ լինել։ Հիմա որ սպառնում եք հասարակական ճնշումով, հասարակության դիրքորոշումը և ճնշումը եղել է 2026-ի հունիսի 7-ին, և մեր ժողովուրդը ՔՊ-ին ու Փաշինյանին չի տվել սահմանադրական մեծամասնություն՝ Սահմանադրություն փոխելու համար»։
Գեղամ Մանուկյանի խոսքով՝ Նիկոլ Փաշինյանի սիրտը փառավորվում է, երբ հասարակության մեջ բախում է լինում։
Մանրամասները՝ տեսանյութում
Կարդացեք նաև
Գեղամ Մանուկյանի խոսքով՝ Ադրբեջանի հետ իբր նախաստորագրված թուղթը խաղաղության հետ որևէ կապ չունի։
«Բանակցությունները սկսվել են հայկական կողմի մի շարք առաջարկություններով, բանակցությունների ավարտին փաստաթղթից, որը հրապարակվել է, հայկական կողմի բոլոր առաջարկները հանված են։ Եվ այսօր սեղանին դրված այդ թուղթն իրականում ամենաձեռնտուն է Ադրբեջանի համար։ Այն որևէ պարտավորությունների տակ չի դնում Ադրբեջանին, փոխարենը հայկական կողմն ամբողջությամբ իր վրա է վերցնում այդ պարտավորությունները»,- հավելեց նա։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
