Կառավարությունը մերժեց դաշնակցականներին, ստոմատոլոգների համար ընդունեց սեփական որոշումը:
Այսօր ՀՀ կառավարությունը մերժեց ԱԺ ՀՅԴ խմբակցության առաջարկը, համաձայն որի, դաշնակցականները կոչ են անում թեթեւացնել ստոմատոլոգների հարկային բեռը:
Ի պատասխան՝ առողջապահության նախարար Դերենիկ Դումանյանն ասաց, որ առավել նպատակահարմար է կառավարության քննարկած նախագիծը, որով նախատեսված է չհարկել ստոմատոլոգիական կլինիկաներում առկա ռենտգեն ապարատները եւ մեկ տեխնիկի եւ նրա աշխատանքում անհրաժեշտ երկու օգնականների հաստիքը դիտարկել որպես մեկ աշխատատեղ` հետեւաբար վճարելուվ մեկ հաստիքի համար նախատեսված հարկերը: Ստոմատոլոգիական աթոռով հարկվելու մասին խոսք չգնաց, չնայած ստոմատոլոգների հիմնական դժգոհությունը հենց այդ խնդրին էր վերաբերում: Դերենիկ Դումանյանը համոզմունք հայտնեց, որ «Արտոնագրային վճարների մասին» օրենքում կառավարության այս փոփոխությունները զգալի կթեթեւացնեն ատամնաբույժների հարկային բեռը:
Լուսինե ԲՈՒԴԱՂՅԱՆ
Կարդացեք նաև
