Հացադուլից հետո մարզային այցելություններ վերսկսած Րաֆֆի Հովհաննիսյանը այսօր նաեւ Վանաձորում էր:
Մինչ նա ժողովրդի առջեւ ելույթ կունենար, վանաձորցիների առջեւ ելույթ ունեցավ Զարուհի Փոստանջյանը:
«Բարեւ սիրելի վանաձորցիներ, մենք շրջում ենք ՀՀ բոլոր մարզերում Րաֆֆի Հովհաննիսյանի առաջնորդությամբ, եւ փոխանցում ենք մեր բարեւը, որը մենք հայտնեցինք փետրվարի 18-ին հանուն նոր Հայաստանի հիմնադրման եւ հանուն այն Հայաստանի, որը լինելու է վերամիավորման Հայաստան»,-այսպես իր խոսքը սկսեց Զարուհի Փոստանջյանը` նկատելով, որ ապրիլի 9-ին Սերժ Սարգսյանը պատրաստվում է կեղծ ելույթ տալ փակ տարածության մեջ:
«Մենք Սերժ Սարգսյանին, ում հայրանունն է Ազատի, հրավիրում ենք Ազատության հրապարակ: Սերժ Սարգսյան, Դուք, կարծում եմ, գիտակցում եք այդ բառի առաքելությունը. Ազատի լինելը նշանակում է պատկանել ազատ հայրենիքի, մենք Ձեզ էլ ենք հրավիրում եւ հորդորում, որպեսզի Դուք գաք Ազատության հրապարակ: Դա այն միակ տեղն է, որտեղ մենք բոլորս պարտավոր ենք ազգովի հավաքվել եւ մեր պարտքը կատարել, մեր պարտքը մեկն է ` հանուն մեր երեխաների ապագայի:Սերժ Սարգսյան, Դուք պարտավոր եք Ազատ հայրանունը կրելով նույնպես լինել Ազատության հրապարակում»:
Կարդացեք նաև
Մանրամասները` տեսանյութում
Անուշ ԲՈՒԼՂԱԴԱՐՅԱՆ
