Սեւան քաղաքում երեկ Րաֆֆի Հովհաննիսյանի հանդիպման ժամանակ բնակիչներից մեկը՝ Նորիկ Առաքելյանը, «սվոլոչներ» անվանեց հավաքվածներից ոմանց, ձեռքը թափ տվեց նրանց վրա եւ վստահեցրեց, որ նրանք են կեղծել ընտրությունները:
Aravot.am-ի հետ զրույցում նա մանրամասնեց, որ այդ մարդիկ նախագահական ընտրություններին մտնում էին տները՝ անձնագրեր էին հավաքում: Մեր հարցին՝ բա ինչո՞ւ էին եկել Րաֆֆի Հովհաննիսյանի հետ հանդիպման՝ սադրելո՞ւ, նա պատասխանեց. «Հա, բայց որ ես ստեղ եմ, ո՞վ կարա: Մարդը որ ծնվում է, պիտի մարդ մահանա, ոչ թե սողուն»:
Մենք սեւանցուց ճշտեցինք՝ իսկապե՞ս քաղաքապետը հրանահանգել է մարդկանց, որ չգան Րաֆֆի Հովհաննիսյանի հետ հանդիպման: Սեւանցին հաստատեց. «Ես էդ պատահական եմ լսած եկել: Ամեն ինչ դրանցից հավատալու ա»:
Նորիկ Առաքելյանն ափսոսում է, որ ներկա չի եղել Րաֆֆի Հովհաննիսյանի նախորդ հանդիպմանը, որտեղ քաղաքապետի եւ հավաքված մարդկանց, Ռուբեն Հակոբյանի միջեւ վեճ է եղել:
Կարդացեք նաև
Մեր հարցին՝ չե՞ք վախենում, որ վաղը ձեր դեմ ինչ-որ գործ կհարուցվի, սեւանցին պատասխանեց. «Ես ոչ մի բանից չեմ վախենում: Արդեն ինձ ամեն ինչից զրկել են: Դաժե տարել են հոգեբուժարան: Ընդդիմադիր եմ: Իմ նման մարդկանցից վախում են, որ ես ժողովրդի հետ եմ»:
Հռիփսիմե ՋԵԲԵՋՅԱՆ
Այնպիսի վերնագիր եք դրել,ինձ էլ թվաց ,թե հենց նոր են տարել: