«ՅՈՒՆԻՍԵՖ-ի առաքելությունը Հայաստանում հիմնականում ուղղված է երեխաների իրավունքների պաշտպանությանը և հատկապես վարքային և սոցիալական խնդիրներ ունեցող երեխաների իրավունքների խթանումը մեր ուշադրության կենտրոնում է, և այդ նպատակով մենք համագործակցում ենք Ֆրանս-Հայկական Զարգացման Հիմնադրամի հետ»,-այս մասին այսօր «Կոնգրես» հյուրանոցում ասաց ՅՈՒՆԻՍԵՖ-ի հայաստանյան ներկայացուցիչ Հենրիեթ Ահրենսը:
Բանախոսի խոսքով` իրենք ավելի շատ կենտրոնանում են ընտանիքի կարողությունների ամրապնդման վրա, որպեսզի երեխային կարողանան վերադարձնել ընտանիք:
ՖՀԶՀ ծրագրերի համակարգող Նունե Բալյանը քննարկման ընթացքում ներկայացնելով` վարքային և սոցիալական խնդիրներ ունեցող երեխաների իրավունքների խթանման ծրագիրը, ասաց, որ վերլուծություն գրելիս, փորձել են պարզել, թե ինչպես են երեխաները հայտնվել հատուկ ծառայություններում, ինչ ճանապարհ են անցել, որպեսզի կարողանան դադարեցնել հոսքը դեպի այդ ծառայություններ: Վերլուծությունը բաղկացած է չորս բաժիններից, ինչպես նաև ունի «Հավելվածներ», որտեղ ներկայացված են՝ ինչպես օգտագործված հարցաշարերը, այնպես էլ հիմնախնդրով զբաղվող կամ այլընտրանքային ծառայություններ տրամադրող կառույցների վերաբերյալ տեղեկատվություն:
Եվրախորհրդի ներկայացուցիչ Նաիրա Ավետիսյանը քննարկման ընթացքում հույս հայտնեց, որ վերջապես խոսակցություններից կանցնեն գործնական քայլերի.«Եթե ռեսուրսները տրամադրվեն ընտանիքներին և ընտանիքներին աջակցող ծառայություններին, ապա շատ ավելի ակնհայտ կլինի աճը:Անցումը պետք է լինի աստիճանական, բայց արդեն վաղուց ժամանակն է զանգ կախել և ոչ թե ճառ ասել»,-ասաց Ավետիսյանը:
Կարդացեք նաև
Քրիստինա ՄԻՐԶՈՅԱՆ
