Լոնդոնի «Չելսիի» սեփականատեր Ռոման Աբրամովիչը պլանավորել է եկող շաբաթ հանդիպել Ժոզե Մոուրինիոյի հետ:
Ըստ «Սանդի Փիփլ» հանդեսի, նրանց զրույցը լինելու է պորտուգալացի մասնագետի` «Ստենֆորդ Բրիջ» վերադառնալու շուրջ: Հանդիպումը կայանալու է Միջերկրական ծովում` ռուս միլիարդատիրոջ սեփական «Էքլիպս» նավում, որի արժեքը 300 միլիոն ֆունտ ստերլինգ է:
Մոուրինիոն Աբրամովիչի ցուցակում նշված է առաջինը այն բանից հետո, երբ Յուրգեն Կլոպպը մերժեց «Չելսիի» առաջարկը, իսկ Մանուել Պելլեգրինին դեռ մտածում է: Լրատվամիջոցները գրում են, որ Աբրամովիչը փորձելու է իր թիմ բերել նաեւ «Ատլետիկոյի» ռմբարկու Ռադամել Ֆալկաոյին:
Աշոտ ՀԱԿՈԲՅԱՆ
