Ակնհայտորեն զինդատախազ Կոստանյանի եւ Սյունիքի մարզպետարանի հայտարարությունները փոխկապակցված էին եւ մանրակրկիտ ծրագրված հենց Բաղրամյան 26-ում։ Դրանք լրացնում են մեկը մյուսին, ավելի ուժեղացնում եւ մեկի գոյությունը մեծացնում է մյուսի հավաստիության աստիճանը։ Այնպես որ, Բաղրամյան 26-ում կարծես թե հակված են տեղի ունեցածը որակել որպես ինքնապաշտպանություն, ինչը շատ ավելի մեղմ պատիժ է ենթադրում։
Մի ուշագրավ հանգամանք. տեսագրությունում չի երեւում, թե դիմացից ովքեր են կրակում։ Կրակողը կրակ է բացում այնպիսի անկյունից, որ տեսախցիկները չէին կարող ֆիքսել։ Նման բան ավելի լավ, քան տան տերը, ոչ ոք չի կարող անել։ Իսկ պաշտոնական վարկածը, թե այդ ամբողջ աղմուկ-աղաղակի, կրակոցների ընթացքում Սուրեն Խաչատրյանը պատուհանից անգամ չի նայել՝ տեսնելու, թե այդ ինչ է կատարվում իր տան շեմին, ուղղակի ծիծաղ է առաջացնում։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
