ՀՀ տարածքային կառավարման փոխնախարար Վաչե Տերտերյանը Սյունիքի մարզպետարանի նիստերի դահլիճում կներկայացնի Սյունիքի նորանշանակ մարզպետ Վահե Հակոբյանին: Մեր ունեցած նախնական տվյալների համաձայն՝ հանդիպմանը ներկա կգտնվի նաեւ Սյունիքի նախկին մարզպետ Սուրիկ Խաչատրյանը:
Նշենք, որ Կապանի եւ Մեղրու տարածաշրջաններն ընդգրկող թիվ 38 ԸԸՀ-ից ընտրված ԱԺ պատգամավոր Վահե Հակոբյանը ՀՀ կառավարության այսօրվա որոշմամբ նշանակվել է Սյունիքի մարզպետ եւ այսուհետ կստանձնի հարավային մարզի ղեկավարի պաշտոնը:
Ինչպես արդեն անդրադարձել էինք՝ մարզում ընդհանուր առմամբ ոգեւորությամբ են ընդունել Վահե Հակոբյանին մարզպետի պաշտոնին նշանակելու որոշումը եւ մեծ սպասելիքներով են պատրաստվում ընդունել նրան:
Մերի ՍՈՂՈՄՈՆՅԱՆ
