Սուտ մատնության համար 300 հազարական դրամի տուգանքի դատապարտված համասեռամոլներ «Սոնան» և «Մաշան» ազատվել են նշանակված պատժից՝ «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի` 2013թ. հոկտեմբերի 3-ի որոշման կիրառմամբ:
Ըստ «Փաստինֆո»– ի, Վերաքննիչ քրեական դատարանը՝ դատավոր Արմեն Դանիելյանի նախագահությամբ, միաժամանակ մերժել է ամբաստանյալների բողոքները և անփոփոխ թողել Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի` նախագահությամբ դատավոր Արշակ Վարդանյանի, կայացրած 2013թ. օգոստոսի 28-ի դատավճիռը:
Ամբաստանյալներն իրենց բողոքներում միջնորդել էին բեկանել հիշյալ դատավճիռը և իրենց արդարացնել:
Հիշեցնենք, որ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավճռով` նրանք մեղավոր են ճանաչվել՝ ՀՀ քրեական օրենսգրքի 333-րդ հոդվածի 1-ին մասով ՝ Սուտ մատնությունը, և դատապարտվել 300.000-ական ՀՀ դրամի տուգանքի:
Նյութի մանրամասները կարդացեք սկզբնաղբյուր կայքում
