Եվրոմիության գլխավոր քարտուղար Թյորբյորն Յագլանդը հունվարի 6-ին այցելել էր Թբիլիսի ԵԽ-ի Վրաստանում իրականացվելիք երկու տարվա գործողությունների ծրագրի մեկնարկի համար, որի բյուջեն կազմում է 17 միլիոն եվրո: Հայտնում է «Սիվիլ.ջե» լրատվականը:
Այդ գումարը ուղղվելու է 34 նախագծերի վրա այնպիսի ոլորտներում, ինչպիսիք են` մարդու իրավունքները, անկախ դատական համակարգը, բանտային համակարգը, ոստիկանության բարեփոխումները, արդյունավետ կառավարումը, ընտրությունները, ԶԼՄ-ի ազատությանը, տեղական ժողովրդավարությանը, վստահության վերականգնման մեխանիզմներին, հանդուրժողականությանը և հակախտրական քաղաքականությանը:
ԵԽ-ն հայտնել է, որ գործողությունների ծրագիրը «բազմակողմանի և շարունակական համագործակցության փաթեթ է, որը կնպաստի ազգային օրենսդրությանը, ինստիտուտներին և ԵԽ չափանիշներին համապատասխանելուն»:
«Երկիրը մեծ ջանքեր է գործում, որպեսզի ԵԽ չափանիշները տեղափոխի ազգային օրենսդրության մի շարք ոլորտներ: Այն կարևոր բարեփոխումներ է իրականացնում ու պատրաստ է իրականացնել: Գործողությունների ծրագիրը նախատեսված է, որպեսզի այդ ցանկությունը վերաճի իրականության», – հայտնել է Յագլանդը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
