Մարտի 7-ին, ժամը 12:30-ին ՀՀ ֆինանսների նախարարության շենքի դիմաց «Դեմ եմ» նախաձեռնության անդամները կկազմակերպեն բողոքի ակցիա, քանի որ, ըստ նրանց, «նախարարության տարբեր աշխատակիցների կողմից տոտալ ճնշումներ են գործադրվում»:
Այսօր «Ելակետ» մամուլի ակումբում լրագրողների հետ հանդիպմանը նախաձեռնության անդամները խոսեցին իրականացվող ճնշումների մասին:
«Դեմ եմ»-ի անդամ Մանուկ Զաքարյանն էլ նշեց. «Նմանատիպ ճնշումներով մեզ փորձում են ծուղակը գցել, աշխատող-գործատու հարթություն փոխանցել խնդիրը: Սակայն մեր խնդիրը կառավարության և օրենքի ջատագովների հետ է կապված: Երկու տիպի ճնշում է իրականացվում` փոխանցեք և վերջ, և երկրորդ` ինքնաշխատ համակարգը, սա է խորամանկությունը»:
Տաթև ՀԱՐՈՒԹՅՈՒՆՅԱՆ
