Ուկրաինա ուղարկված ԵԱՀԿ զինծառայողների պատվիրակությունը Ղրիմի ճանապարհին է, սակայն, նրանք չեն կարողանում մտնել թերակղզի, ուկրաինական «Ինտերֆաքս»-ին հայտնել են Ուկրաինայի արտաքին գործերի նախարարությունից:
«Նրանք Ղրիմի ճանապարհին են, նրանց կանգնեցրել են համազգեստով մարդիկ և այժմ բանակցություններ են տարվում», – մարտի 6-ին ԱԳՆ-ից հայտնել է Եվգենի Պերեբիյնիսը:
«Ինտերֆաքս»-ը հիշեցնում է, որ մարտի 5-ից մինչև 12-ը Ուկրաինա է մեկնել 21 երկրներից (ԵԱՀԿ տարածած հաղորդագրությամբ 18) 40 հոգուց (Ըստ ԵԱՀԿ` 35 հոգուց) բաղկացած ԵԱՀԿ դիտորդական խումբ:
Նախատեսված է, որ խումբը պետք է այցելի Ուկրաինայի զորամիավորումներ ու Ղրիմի ռուսական բազաներ:
Կարդացեք նաև
Պատրաստեց Հովհաննես ԻՇԽԱՆՅԱՆԸ
