Եվրասիական բարձրագույն տնտեսական խորհրդի երեկ տեղի ունեցած նիստում Ռուսաստանի նախագահ Վլադիմիր Պուտինը հայտարարել է, որ եվրասիական ինտեգրացիոն գործընթացը գրավում է ԱՊՀ-ի իրենց գործընկերներին:
Պուտինն ընդգծել է, որ հայկական կողմի հետ ընդունվել և հաջողությամբ իրականացվում է Մաքսային միության և Միասնական տնտեսական տարածքի նորմերին ու պահանջներին ադապտացվելու միջոցառումների ծրագիրը:
«Ուստի հնարավոր ենք համարում ձեռնամուխ լինել ապագա Եվրասիական տնտեսական միությանը Հայաստանի միանալու պայմանագրի նախագծի պատրաստմանը: Իհարկե, այստեղ պետք է կշռադատել գործընթացի բոլոր մասնակիցների համար դրական ու բացասական կողմերը»,- ասել է Պուտինը:
Ռուսաստանի նախագահի այս հայտարարության կապակցությամբ պարզաբանում խնդրեցինք էկոնոմիկայի նախարար Վահրամ Ավանեսյանից:
Կարդացեք նաև
«Մենք ունենք հաստատված «ճանապարհային քարտեզ» և այդ դրա համաձայն, կախված նրանից, թե ինչպես ենք առաջ շարժվում, որոշակի աշխատանքները կատարելուց հետո պետք է անցնենք պայմանագրի նախապատրաստմանը»,- ասաց նախարարը՝ հավելելով, որ Մաքսային միության հետ ինտեգրացիոն գործընթացը շարունակում է մնալ Հայաստանի առաջնահերթ խնդիրներից մեկը։
Մանրամասները կարող եք կարդալ` «Ազատություն» ռ/կ-ի կայքում
