Հատված Հայաստանում ԵՄ պատվիրակության ղեկավար Տրայան Հրիստեայի հարցազրույցից:
– Պարոն դեսպան, սեպտեմբերի 3-ից հետո Հայաստան–ԵՄ հարաբերությունները անորոշ եւ ոչ հստակ որակում ստացան։ Այս համաժողովի կայացումը ինչքանո՞վ է ազդում ՀՀ–ԵՄ հարաբերությունների պարզեցման վրա։
– Կարող եմ ասել, որ մենք ճիշտ ճանապարհի վրա ենք։ Բնական էր, որ մենք մեր հայ գործընկերներին պետք է տայինք որոշ ժամանակ, որ նրանք հասկանային, թե որոնք են իրենց համար հիմնական առաջնահերթությունները մեզ հետ համագործակցելու հարցում։
Անցյալ տարվա նոյեմբերին տեղի ունեցած Վիլնյուսի գագաթաժողովից հետո բավական ժամանակ է անցել, եւ մենք ստացել ենք աշխատանքային գործընթացը մեկնարկելու ազդակ։
Կարդացեք նաև
Մի քանի շաբաթ առաջ մենք ստացանք կարեւոր ազդանշան այն մասին, որ միջգերատեսչական համաժողովը ընդունել է գործողությունների որոշակի ցանկ։
Հիմա իրապես կարեւոր է կենտրոնանալ նոր գործողությունների ծրագրի վրա որպես բաղկացուցիչ գործիք հիմնվելով վիլնյուսյան երկկողմ հայտարարության վրա։ Հաջորդ քայլի համար մենք կրկին կսպասենք ՀՀ ղեկավարության ազդակին։ Սկսվել է աշխատանքային գործընթաց, եւ պետք է սպասենք ՀՀ իշխանությունների հաջորդ ազդանշանին առաջ շարժվելու համար։
– Կարող ենք ասել, որ ՀՀ իշխանությունը ավելի հստակ կհայտնի իր ասելիքը ՄՄ մտնելու փաստաթղթերը ստորագրելուց հետո։
– Դա դժվար հարց է։ Ես չեմ կարող ասել։ Դա միայն ինձանից կախված չէ։
Թագուհի ՀՈՎՀԱՆՆԻՍՅԱՆ
Հարցազրույցն ամբողջությամբ կարող եք կարդալ «Հայկական ժամանակ» թերթի այսօրվա համարում
