Այսօր Աջափնյակ Դավիթաշեն դատարանում Սյունիքի նախկին մարզպետ Սուրիկ Խաչատրյանն ընդդեմ Գորիսի նախկին քաղաքապետ Սամվել Հարությունյանի գործով դատական նիստն էր:
Սուրիկ Խաչատրյանի փաստաբան Մարտին Զիլֆուղարյանը (լուսանկարում) կրկին միջնորդեց գործով որպես երրորդ անձ ներգրավել Անուշավան Առուշանյանին: Ում, ըստ Գորիսի նախկին քաղաքապետի, ծանր վիրավորել էր Սուրիկ Խաչատրյանը:
Այս միջնորդությունը անհիմն համարեց Գորիսի նախկին քաղաքապետի փաստաբան Մուշեղ Շուշանյանը. «Այս գործով որպես երրորդ վկա Անուշավան Առուշանյանին ներգրավելը անհիմն է, հիշեցնենք, որ այս գործով վեճի առարկան հայցվոր Սուրիկ Խաչատրյանի պատվի եւ արժանապատվության պաշտպանությունն է»:
Նա ասաց, որ եթե Անուշավան Առուշանյանի պատվին ու արժանապատվությանը վնաս էր հասցվել այդ հրապարակմամբ, ապա Առուշանյանը հանգիստ կարող էր վերականգնել իր իրավունքները դատական կարգով. «Նա կարող էր դիմել դատարան համապատասխան հայցով, բայց որպես երրորդ անձ նրա ներգրավվածությունը պարզապես չի կարող»:
Կարդացեք նաև
Դատարանը որոշեց մերժել այս միջնորդությունը: Բայց բավարարեց որպես վկա հարցաքննել Արեւիկ Միրզոյանին: Նա, ըստ Գորիսի նախկին քաղաքապետի, Սուրիկ Խաչատրյանի սիրուհին էր ու հղի էր, երբ Սուրիկ Խաչատրյանը կրակեց նրան ու սպանեց չծնված երեխային:
Հաջորդ դատական նիստը նշանակվեց մայիսի 16-ին:
Արփինե ՍԻՄՈՆՅԱՆ
