Այսօր Ազգային ժողովի նիստի սկզբում հանդես եկավ ԱԺ ժամանակավոր հաշվիչ հանձնաժողովի նախագահ Սուքիաս Ավետիսյանը եւ տեղեկացրեց, որ Ազգային ժողովի նախագահի ընտրության փակ գաղտնի քվեարկությունը տեղի է ունենալու 12.30-13.30: Նա զգուշացրեց, որ երկու անուն է գրված լինելու թերթիկի վրա՝ Գալուստ Սահակյան եւ Հրանտ Բագրատյան: «Ումը որ կողմ եք, մյուսի անունը ուղղակի ջնջում եք»,-ասաց Սուքիաս Ավետիսյանը՝ պատգամավորներին բացատրելով, որ «կողմ», «դեմ» չի լինելու, ընդամենը երկու անուն է գրված լինելու, ում որ չեն ուզում ընտրեն, անունի վրա գիծ են քաշում:
Հիշեցնենք, որ եղել են դեպքեր, երբ փակ գաղտնի քվեարկություն է եղել, պատգամավորները դժգոհել են, թե ճիշտ չեն հասկացել ինչպես էր պետք քվեարկել:
Պատգամավորների հարցին՝ ինչպե՞ս է կազմակերպվում քվեարկությունը, երբ այդ ժամին նիստն է ընթանում, նիստը վարող Էդուարդ Շարմազանովն ասաց, որ նիստին զուգահեռ լինելու է քվեարկությունը:
Մելանյա ԲԱՐՍԵՂՅԱՆ
