Հայտարարություն ՄԱԿ-ի գլխավոր քարտուղարի խոսնակի անունից
Լեռնային Ղարաբաղի հակամարտության կապակցությամբ
Գլխավոր քարտուղարը կիսում է ԵԱՀԿ Մինսկի խմբի համանախագահների և միջազգային այլ գործընկերների կողմից արտահայտված խոր մտահոգությունը կապված շփման գծի և Հայաստան-Ադրբեջան սահմանի երկայնքով լարվածության և ուժի կիրառման կտրուկ ավելացման հետ։ Սա վերջին օրերին հանգեցրել է մարդկային կյանքերի բազմաթիվ կորուստների և վիրավորների։
Նա կոչ է անում բոլոր կողմերին՝ հարգել հրադադարի պայմանագիրը, զերծ մնալ բռնության հետագա ծավալումից և լծվել լարվածության անհապաղ թուլացման ու երկխոսության՝ հետամուտ լինելով քաղաքական արագ և խաղաղ կարգավորման։
Գլխավոր քարտուղարն իր լիակատար զորակցությունն է արտահայտում ԵԱՀԿ Մինսկի խմբի և բոլոր կողմերի ջանքերին՝ ուղղված այս վտանգավոր իրավիճակի հանգուցալուծմանը և Լեռնային Ղարաբաղի հակամարտության խաղաղ կարգավորմանը։
Կարդացեք նաև
