«Սահմանադրական բարեփոխումներ կոչված այս սոուսով ուզում են շարունակել իշխանությունը վերարտադրելու և Սերժ Սարգսյանի լիդերությունը պահպանելու գործընթացը»,-«Ժողովրդավարական հայրենիք» կուսակցության նախագահ Պետրոս Մակեյանի կարծիքով` ՀՀԿ-ն անելու է ամեն ինչ, որ Սերժ Սարգսյանը վերարտադրվի խորհրդային ժամանակաշրջանում հայտնի «գենսեկի» կարգավիճակով: Այս առիթով նա ասաց. «Ֆորմալ առումով գենսեկը պաշտոն չունի, բայց ողջ իրավական, կառավարական օրինական դաշտը գենսեկի տրամադրության տակ է»:
Պարոն Մակեյանն անդրադարձավ նաև Ռոբերտ Քոչարյանի «ֆենոմենին» ու վրդովվեց. «Քոչարյանը տասը տարվա ընթացքում հազարավոր մարդկանց խեղաթյուրել է, ճակատագրերի հետ խաղացել, մարտի 1 սարքել, տասը զոհ, հարյուրավոր քաղբանտարկյալներ ու հալածյալներ և քսանից ավելի պետական քաղաքական գործիչների մահ իր իշխանության օրոք, ու ինքն այսօր պայքարում է և հայտ է ներկայացնում վերադառնալու համար: Նորմալ երկրում, նորմալ, ժողովրդի կողմից լիազորված իշխանություն լինելու պարագայում Քոչարյանը պիտի հայտնվեր այնտեղ, որտեղ 2008-ին մեզ ուղարկեց»:
Պետրոս Մակեյանը վստահ է, որ «բոլորն էլ ժամանակի ընթացքում իրենց տեղում հայտնվելու են»:
Տաթև ՀԱՐՈՒԹՅՈՒՆՅԱՆ
Խոսքն ասելիս մինչև վերջ ասա:Սերժանտի հետ միասին:Սերժանտը նրա դրածոն չէ*: