Հայաստանում և Արցախում կրթության ոլորտի զարգացումը, հատկապես՝ հանրակրթական դպրոցներում աշակերտների ակտիվության և ներգրավվածության աճը, մշտապես եղել և մնում է «Dasaran.am» կրթական ծրագրի ուշադրության կենտրոնում: «Dasaran.am»-ն իր նախաձեռնած բազմաթիվ ու բազմատեսակ միջոցառումներով, հետաքրքիր մրցույթներով և յուրօրինակ նախագծերով շարունակում է նպաստել կրթություն-ժամանակակից տեխնոլոգիա-աշակերտ գաղափարական կառույցի ներդաշնակեցմանը:
«Dasaran.am»-ի ավանդական, սակայն նոր երանգավորում ունեցող նախաձեռնության՝ «Դուել» ինտելեկտուալ խաղի միջոցով աշակերտները «մենամարտում են» պատմության, աշխարհագրության, գրականության, մաթեմատիկայի և մյուս ոլորտներում: Դպրոցում լավագույն արդյունքներ գրանցած աշակերտներն արժանանում են վաստակած պարգևների, որոնք անակնկալ այցով տեղ է հասցնում «Dasaran.am»-ի թիմը:
Այսպես, իր այս նախաձեռնության շրջանակներում «Dasaran.am»-ի թիմն անակնկալ այց կատարեց Հրազդանի թիվ 10, Վաղարշապատի թիվ 2 և Արտաշատի ավագ, ինչպես նաև Աբովյանի թիվ 7, Երևանի թիվ 56, 51, 121, 162, 171 և թիվ 11 հիմնական դպրոցներ՝ ընդհանուր առմամբ հանրակրթական տասը դպրոց:
«Dasaran.am»-ցիներն իրենց այցերի ընթացքում չմոռացան նաև նշված դպրոցների մյուս աշակերտներին՝ նրանց սովորական օրը տոնականի վերածելով «Դուել» խաղի արտացանցային (“off-line”) տարբերակի միջոցով: Այդ բոլոր դպրոցներում աշակերտները մեծ ոգևորությամբ պատասխանում էին հնչեցվող նորանոր հարցերին և խաղի ավարտին նրանցից առավել ակտիվներն արժանանում էին խրախուսական նվերների:
Կարդացեք նաև
«Dasaran.am»-ի թիմի այցերին ուղղված դրական և ջերմ արձագանքները կրկին հավաստում են, որ այս նախաձեռնությունը լիարժեքորեն ծառայել է իր նպատակին: «Անակնկալ կերպով ներս մտնելով դասարան և հայտարարելով հաղթող աշակերտի անունը՝ «Dasaran.am»-ի թիմը ոչ միայն արժանի պարգևն է մատուցում առավել շնորհալի աշակերտին, այլև ազդակ դառնում դասընկերների միջև դեպի կատարելության տանող առողջ մրցակցության առաջացման համար»,-նշեց «Dasaran.am» կրթական ծրագրի հիմնադիր նախագահ Սուրեն Ալոյանը:
Այս նախաձեռնությունը, որի աջակիցը դարձավ «Ferrero» ընկերությունը, աշակերտների շրջանում նպաստում է նաև գիտելքիների ընդլայնմանը և հղկմանը, քանզի, ինչպես ամփոփեց իր խոսքը Սուրեն Ալոյանը՝ «… գիտելիքն ուժ է, իսկ նորանոր անակնկալ այցերը հանրակրթական դպրոցներ դեռ առջևում են»:
«Dasaran.am
