Ձմռան շրջանում, կոսմետոլոգ եւ մաշկաբան Լիլիթ Հարությունյանը խորհուրդ է տալիս օգտագործել դեմքի այն խնամքի միջոցները, որոնք պարունակում են վիտամին E, D: Այսօր, «Պոստ-Սկրիպտում» մամուլի ակումբում լրագրողների հետ հանդիպման ժամանակ մասնագետն ասաց, որ այն անձնավորությունը, որը ունի արտահայտված մաշկային անոթային ցանց՝ կուպիրոզներ, ցանկալի է օգտագործի այնպիսի քսուքներ, որոնց մեջ լինի վիտամիններ C, K, որոնք ունեն մազանոթների վրա անոթասեղմիչ հատկություն:
«Եթե մաշկը խնդիրներով է, ապա պետք է պատճառը գտնել, որը հորմոնալ դիսբալանսի արդյունքում է առաջանում, կամ աղիքներում միկրոֆլորայի խանգարման արդյունքի հետեւանք է»,-նշեց մաշկաբանը:
Մասնագետը հիշեցնում է, որ տարվա բոլոր եղանակներին պետք է չմոռանալ քսել արեւապաշտպան քսուքներ. ամռանը 30 եւ բարձր արեւապաշտպան գործոնով, իսկ տարվա մնացած սեզոններին, եթե չկան մաշկի ավելի լուրջ խնդիրներ, 30-ից ցածր արեւապաշտպան քսուք, որը ոչ միայն կպաշտպանի ուլտրամանուշակագույն ճառագայթներից, այլեւ ցերեկային լույսից:
Պիլինգներին անդրադառնալով՝ մասնագետը նշեց, որ, եթե թեթեւ չոր մաշկ է, պետք է մաքրումը կատարել թեթեւ, իսկ հիպերպիգմենացիայի դեպքում, պետք է ավելի խորը մաքրում իրականացնել:
Կարդացեք նաև
Այսօր՝ ըստ մաշկաբանի, ավելի հաճախ մասնագետի դիմում են կորիակավոր ցանի խնդրի, հորմոնալ դիսբալանսի, ճարպարտադրության ակտիվացման, ցանի եւ բշտիկների առաջացման խնդիրներ ունեցող մարդիկ, ինչու չէ, մեծ է նաեւ բոտուլինաթերապիայով կնճիռներից ձերբազատվող կանանց թիվը:
Անուշ ՄԱԹԵՎՈՍՅԱՆ
