«Ազգային համաձայնություն» կուսակցության նախագահ Արամ Հարությունյանը հայտարարել էր, որ Գագիկ Ծառուկյանը՝ նախագահ Սերժ Սարգսյանի հետ հանդիպումից հետո հայտնվել է պատանդի կարգավիճակում, նրա նկատմամբ ճնշումներ են եղել, նույնիսկ ընտանիքին են սպառնացել:
Aravot.am-ը Գագիկ Ծառուկյանի մամուլի խոսնակ Իվետա Տոնոյանից հետաքրքրվեց, թե Արամ Հարությունյանի հայտարարությունները արդյոք իրականությանը համապատասխանո՞ւմ են, թե՞ ոչ, վերջինս հրաժարվեց որեւէ մեկնաբանություն տալուց. «Նպատակահարմար չեմ գտնում պարոն Հարությունյանի հայտարարություններին անդրադառնալ, ինչ վերաբերում է քաղաքական գործընթացներից եւ քաղաքականությունից դուրս գալու հետ կապված պարոն Ծառուկյանի որոշմանը, ապա այդ մասին պարոն Ծառուկյանի հայտարարությանը, որտեղ ինքը մեկնաբանել է քաղաքականությունից դուրս գալու իր շարժառիթները, ես ավելացնելու ոչինչ չունեմ»:
Հարցին, թե Արամ Հարությունյանը եւ Գագիկ Ծառուկյանը հանդիպե՞լ են, նա պատասխանեց, որ նման տեղեկության չի տիրապետում:
Ամի ՉԻՉԱԿՅԱՆ
Կարդացեք նաև
