Բաղրամյան 26-ում ՝նախագահական նստավայրի դիմաց ի պաշտպանություն բանակում խաղաղ պայմաններում մահացած զինվորների մայրերի` հավաքվել են մի շարք հասարակական կազմակերպությունների ներկայացուցիչներ: Զինվորների մայրերի նկատմամբ նախօրեին ոստիկանական բռնությունները դատապարտող բողոքի ակցիային մասնակցում են նաեւ ՀԱԿ պատգամավորներ:
Հարցին, թե ինչպես եք վերաբերում նախօրեին ոստիկանների կիրառած բռնությանը եւ այդ մայրերի բարձրացրած պահանջների նկատմամբ իշխանությունների անտարբերությանը, ԱԺ ՀԱԿ խմբակցության ղեկավար Լեւոն Զուրաբյանն ասաց. «Դա մի այիբ է, մյուս այիբն այն է, որ ամեն ինչից բացի խախտվում է բողոքի ակցիաներ անցկացնելու քաղաքացիների սահմանադրական իրավունքը: Ոստիկանությունը հարձակվում է՝ չունենալով ոչ մի օրինական իրավունք նման գործողություններ կատարելու: Օրենքում հստակ գրված է, թե որ դեպքում ոստիկանները կարող են ցրել ցույցը, եթե նույնիսկ արգելված ցույց է, բայց խաղաղ ցրելու իրավունք չունեն բացի մի դեպքում, եթե ցուցարարները անցել են բռնի գործողությունների, եթե անկառավարելի վիճակ է: Եկել ենք այստեղ պաշտպանելու այդ իրավունքը»:
Արփինե ՍԻՄՈՆՅԱՆ
