«Առավոտը» Երեւանի փոխոստիկանապետ Վալերի Օսիպյանին հարցրեց՝ հայտարարություն եք տարածում՝ կվերականգնենք հասարակական կարգը, կբացենք Բաղրամյան պողոտան, ինչպե՞ս ի՞նչ մեթոդներով եք անելու: Նա պատասխանեց. «Օգտագործելով ամեն ինչ: Օրինակ՝ մեր ոստիկանական վերակարգերը շղթա կազմած կարող են մոտենալ, խնդրել, այնուհետեւ ստիպեն, որ կատարեն ոստիկանների օրինական պահանջները: Ոստիկանությունը կարող է կիրառել ֆիզիկական ուժ, հատուկ միջոցներ, ջրցան: Այդ ամեն ինչը օրենքի սահմաններում է»: Մենք ճշտեցինք՝ բա Վլադիմիր Գասպարյանն ասում էր, որ երիտասարդները պիտի գժուկ լինեն, որ չի պատրաստվում կոտրել այդ գժուկներին. «Կոտրեմ ջահելի՞, կոտրեմ իմ տեսակի՞ն»:
Հիմա Դուք ո՞նց եք պատրաստվում այդ «գժուկներին», Վլադիմիր Գասպարյանի տեսակին կոտրել՝ Վալերի Օսիպյանը պատասխանեց. «Ես չգիտեմ, թե ինչ տեսակ են այստեղ հավաքված, օրենքի տեսակետից այստեղ հավաքված են քաղաքացիներ, որոնք կոպիտ կերպով խախտել են անհամաչափ իրենց քաղաքացիների ազատ տեղաշարժի իրավունքը: Ոստիկանությունը հորդորում է անհապաղ ազատել Բաղրամյան պողոտան, հակառակ դեպքում ստիպված կլինենք հասարակական կարգը վերականգնել»:
Լուսանկարը՝ ՀՌԻՓՍԻՄԵ ՋԵԲԵՋՅԱՆԻ
«Առավոտ» օրաթերթ
04.07.2015
