Հայաստանում և Ադրբեջանում ստեղծված իրադրությունը մի շարք այլ խնդիրների հետ միասին ընդգրկված է եղել Եվրամիության արտաքին գործերի նախարարների` Լյուքսեմբուրգում կայացած երկօրյա հավաքի օրակարգում: Այս մասին շաբաթ օրը լրագրողների հետ զրույցում հայտարարել է Եվրամիության արտաքին հարաբերությունների և անվտանգության հարցերով բարձր ներկայացուցիչ Ֆեդերիկա Մոգերինին:
«Քննարկել ենք նաև հարաբերությունները մեր արևելյան գործընկերների հետ: Մասնավորաբար, լուրջ ուշադրություն ենք դարձրել Բելառուսում վերջերս տեղի ունեցած հուսադրող իրադարձություններին: Գիտեք, որ այնտեղ օգոստոսի 22-ին ազատ են արձակվել մի շարք [քաղաքական] բանտարկյալներ: Անդրադարձել ենք նաև Վրաստանում ու Մոլդովայում ծավալվող զարգացումներին, ուշադրություն ենք դարձրել նաև Ադրբեջանում և Հայաստանում տեղի ունեցող դեպքերին», – հայտարարել է Մոգերինին:
Գեւորգ Ստամբոլցյան
Նյութի մանրամասները կարդացեք «Ազատություն» ռադիոկայանի կայքում
