«Իրատեսի» հարցերին պատասխանում է ԵԽԽՎ եւ ՀՀ ԱԺ փոխնախագահ, ԵԽԽՎ-ում ԱԺ պատվիրակության ղեկավար Հերմինե Նաղդալյանը։
– Համաձա՞յն եք, որ սկսել են կատարվել ՀՅԴ-ի երազանքները։
– Եթե նկատի ունեք խորհրդարանական կառավարումը և 100 % համամասնական ընտրակարգը, գուցե, բայց դա դժվար է անվանել միայն ՀՅԴ-ի երազանք։
– Նկատի ունեմ կոալիցիա վերադառնալը, որ ՀՀԿ-ն ծանրացնում է, ՀՅԴ-ն՝ արագացնում։
Կարդացեք նաև
– Իսկ կա՞ կոալիցիա, որ որևէ կուսակցություն վերադառնա կամ չվերադառնա։ Կան քննարկումներ, ընդամենը քննարկումներ քաղաքական ուժերի համագործակցության ձևաչափի ու նպատակների վերաբերյալ։ Լրագրողները միշտ առաջ են ընկնում, կառավարության ողջ կազմը արդեն «փոխվել է», մարզպետներն էլ, փոխնախարարներն էլ, բայց բոլոր «փոփոխությունները» անելուց առաջ պետք է հստակեցնել նպատակն ու իմաստը։ ՀՀԿ-ն միշտ էլ պատրաստ է համագործակցել և համագործակցել է իր գաղափարները կիսող քաղաքական ուժերի հետ։
– Բայց ՀՅԴ-ն ուզում է իշխանությունը կիսել, և՝ ոչ թե ընտրություններից հետո, այլ առաջ, դա նախապատրաստություն է խորհրդարանական ընտրությունների՞ն։
– Թե երբ և ինչ է ուզում ՀՅԴ-ն, կարծում եմ, իրենք պիտի ասեն, իսկ թե ՀՀԿ-ն ինչ է ուզում, և երբ՝ ասել ենք վաղուց։ Խորհրդարանական ընտրություններին նախապատրաստվում են քաղաքական բոլոր ուժերը, որքան ավելի շուտ ու հստակ ծրագրերով, այնքան հաջողության հասնելու ավելի մեծ շանսերով։
Անահիտ ԱԴԱՄՅԱՆ
Հարցազրույցն ամբողջությամբ կարող եք կարդալ «Իրատես de facto» թերթի այսօրվա համարում
