«Դիվանագետների վրա քար շպրտել, ինչպես նաեւ հակառակորդի առջեւ կանգնած զինվորի վրա քար շպրտելն անբարոյական է: Դիվանագետը նույն զինվորն է արտաքին ասպարեզում: Ինչ-որ շատ են առաջացել միջազգայնագետներ եւ վերլուծաբաններ, որոնք իրենց դատողությունները կամ քննադատություններն անում են ոչ թե իրենց վերլուծությունների եզրակացություն, այլ նախաբան: Սկզբում քննադատում ,հետո վերլուծում են»,- լրագրողների հետ հանդիպմանը հայտարարեց Արտաքին գործերի նախարար Էդվարդ Նալբանդյանը:
Նա մասնավորապես խոսում էր ԵԽԽՎ զեկույցների քվեարկությունից հետո Հայաստանի պատգամավորների եւ ԱԳ նախարարության աշխատակիցների հասցեին հնչող քննադատությունների մասին:
Նախարարը հիշեց հայկական ասացվածքը, որում ասվում էր, թե «գինին թան չէ, ամեն մարդու բան չէ»: «Ես վստահ եմ, որ մեր պատգամավորներն ու դիվանագետները կանեն ամեն հնարավորը, որպեսզի թույլ չտան քայլեր, որոնք վնաս կհասցնեն հիմնախնդրի կարգավորմանը»:
Անդրադառնալով Թուրքիայի պաշտոնյաների հայտարարությունների, թե Հայաստանի հետ հարաբերությունները կկարգավորեն, երբ լուծվի ԼՂ հակամարտության հարցն՝ Էդվարդ Նալբանդյանը տարօրինակ համարեց, որ Հայաստանի փոխարեն Թուրքիան է նախապայմաններ առաջ քաշում. «Չնայած տարօրինակ կլինի տրամաբանություն գտնել Թուրքիայի արտաքին քաղաքականության մեջ վերջին շրջանում»:
Կարդացեք նաև
Աշոտ ԻՍՐԱԵԼՅԱՆ
