Այսօր Կենտրոն եւ Նորք Մարաշ վարչական շրջանների ընդհանուր իրավասության դատարանը մեղադրող Փանոսյանի միջնորդությամբ հետաձգեց ապօրինի զենք, զինամթերք պահելու մեջ մեղադրվող դերասան Գոռ Վարդանյանի գործով դատական նիստը:
Մեղադրող դատախազը միջնորդությունը հիմնավորեց դատավարական գործողություններ կատարելու անհրաժեշտությամբ: Ըստ նրա, այդ գործով որոշ հարցումներ են կատարել պետական մարմիններին ու դեռ չեն ստացել պատասխաններ: Գոռ Վարդանյանի պաշտպան՝ փաստաբան Նաիրա Պետրոսյանն էլ դատարանին հանձնեց իր պաշտպանյալի առողջական վատ վիճակին վերաբերող փաստաթղթեր՝ հիմնավորելով անցած դատական նիստին չներկայանալու պատճառները:
Հիշեցնենք, որ նախորդ դատական նիստին Գոռ Վարդանյանն ու իր պաշտպանը չէին ներկայացել, ու դատարանը Գոռ Վարդանյանին բերման ենթարկելու որոշում էր կայացրել:
Դատական նիստը հետաձգվեց մեկ ամսով, նշանակվեց ապրիլի տասնմեկին:
Կարդացեք նաև
Արփինե ՍԻՄՈՆՅԱՆ
