«Վերջին տարիներին ՀՀ-ում մի շարք օտարերկրյա դիվանագիտությունների կողմից հնչել են արտահայտություններ, որոնցից կարելի է եզրակացնել կամ ենթադրել, որ ՀՀ-ն բավարար ջանք չի գործադրում՝ Արցախի հանրապետությունը ԼՂՀ կարգավորման գործընթացի բանակցություննեում ներգրավելու համար»,- այսօր ԱԺ նիստում ասաց ՀԱԿ խմբակցության պատգամավոր Նիկոլ Փաշինյանը:
Նրա խոսքերով՝ «Ժամանակն է, որ ՀՀ իշխանությունները, մասնավորապես արտգործնախարարությունը ներկայացնի ապացույցներ, որ ՀՀ-ն բավարար ջանքեր է գործադրում դրա համար: ԼՂՀ-ն պետք է օր առաջ ներգրավի բանակցային գործընթացում, եւ անընդունելի է, որ ՀՀ որեւէ ներկայացուցիչ Ադրբեջանի հետ քննարկի ԼՂՀ հարցի կարգավորման որեւէ հարց՝ առանց ԼՂՀ-ի մասնակցության»:
ԱԺ նախագահ Գալուստ Սահակյանն այսպիսի անորոշ պատասխան տվեց. Նախ, նա ասաց, որ բոլոր հարցերը պատերազմի ընթացքում եւ դրանից հետո քննարկվել են, բոլոր խնդիրները մեկ առ մեկ վերլուծել են. «Իսկ եթե դուք գտնում եք, որ խնդիր կա, որը լուծելի չէ, դիմեք համապատասխան հանձնաժողովին, ովքեր պետք են՝ կհրավիրվեն, որպեսզի բացատրեն նաեւ այդ խնդիրը»:
ՕԵԿ պատգամավոր Հովհաննես Մարգարյանն էլ առաջարկեց, որ Բունդեսթագին ԱԺ ամբիոնից շնորհակալություն հայտնեն՝ Հայոց ցեղասպանությունը ճանաչելու համար: Գալուստ Սահակյանն ասաց, որ ինքը բոլոր պատգամավորների անունից ճիշտ ժամանակին արդեն շնորհակալություն հայտնել է:
Կարդացեք նաև
Հռիփսիմե ՋԵԲԵՋՅԱՆ
