Հայաստանի ատոմակայանն ու Երևանի ՋԷԿ-ը 30 միլիոն դոլարի վարկ կստանան՝ պարտքերը մարելու համար: Վերջին մի քանի օրերին դա Հայաստանի Հանրապետության վերցրած հերթական պարտքն է: 22 միլիոն դոլար պարտք վերցրեցին ԱՄՀ-ից, 51 միլիոն դոլար պարտք վերցրեցին դեպի Վրաստան ճանապարհը հիմնանորոգելու համար: Հայաստանի արտաքին պարտքն արդեն գերազանցում է ՀՆԱ կեսը: Երբ դրան դեռ չէր հասել, իշխանությունն ասում էր, թե կեսից դեռ շատ կա, ռիսկային գոտում չենք:
Հիմա հասել ենք գրեթե կեսին, իշխանությունն ասում է, թե առաջիկա տարիների համար Հայաստանը արտաքին պարտքի սպասարկման ռիսկային երկիր չի դիտվում: Ու Հայաստանի կառավարությունը շարունակում է վարկեր կլանել, ինչը ուղիղ համեմատական է կոռուպցիան շարունակելու հետ, որովհետև եթե իշխանությունն ունենար դրա դեմ պայքարի լուրջ մտադրություն, ապա արտաքին պարտքի ավելացման այդ մեծ տեմպը չէր լինի:
Իշխանությունը գիտի, որ ունի փողի պակաս, և որ իր շարքերից որևէ մեկին չի կարողանալու ստիպել լրացնել այդ պակասը: Բոլորը մատնացույց կանեն իրար, և եթե որևէ մեկին անարդարաբար պարտադրեն, այսպես ասած՝ առանց պատճառի, ապա դա կխարխլի ներհամակարգային կարևոր սկզբունքներից մեկը՝ որևէ մեկին անտեղի չունեզրկելը կամ «կուլակաթափ չանելը»: Ու քանի որ իշխանությունը չի կարող խախտել այդ սկզբունքը, չի կարող պայքարել նաև կոռուպցիայի դեմ, հետևաբար պետք է պայքարի արտաքին վարկերի ներգրավման համար:
Կարդացեք նաև
Մուսա Միքայելյան
Նյութի մանրամասները կարդացեք. 1in.am–ի կայքում
