Իջեւանի կենցաղի տանը առջեւ գտնվող հրապարակը լի է փոսերով, այն կարծես ռմբակոծված լինի: Անձրեւներից հետո մարդիկ դժվարությամբ են հաղթահարում ջրափոսերը, ինչը հարուցում է մարզկենտրոնի բնակիչների դժգոհությունը:
Իջեւանի քաղաքապետ Վարդան Ղալումյանին հարցրինք, թե քաղաքապետարանը ինչո՞ւ միջոցներ չի ձեռնարկում տարածքը բարեկարգելու համար: Նա ասաց, որ քաղաքապետարանը բավական աշխատանքներ է կատարել Իջեւանը բարեկարգելու համար, սակայն նշված տարածքը մասնավոր սեփականություն է, քաղաքապետարանն իրավունք չունի այնտեղ աշխատանքներ կատարելու:
Վ. Ղալումյանն ասաց, որ այդ տարածքը, որպես սեփականություն օտարվել է իր կողմից քաղաքապետի պաշտոնը ստանձնելուց առաջ՝ 2007թ.: Տարածքի սեփականաշնորհումը կատարվել է ՀՀ հողային օրենսգրքի 60-րդ հոդվածի խախտումներով: Ըստ այդ հոդվածի՝ հանրային օգտագործման տարածքները, ինչպիսին հանդիսացել է կենցաղի տանը կից տարածքը, չեն կարող սեփականաշնորհվել, այդ տարածքը կարող էր տրվել երկարաժամկետ վարձակալության, կառուցապատման իրավունքով: Հանրային օգտագործման տարածքը կարող էր սեփականաշնորհվել միայն կառավարության որոշմամբ, սակայն վերահիշյալ տարածքի համար նման որոշում չկա:
Կարդացեք նաև
Ոսկան ՍԱՐԳՍՅԱՆ
