Նուբարաշենի աղբավայրի հարակից տարածքում նախատեսվում է կառուցել նոր աղբավայր՝ միջազգային չափանիշներին համապատասխան:
Այս մասին տեղեկանում ենք կառավարության վաղվա նիստի օրակարգից:
Ըստ կառավարություն ներկայացված որոշման նախագծի, Երեւան քաղաքին նվիրաբերվում է 24.42 հա հողամաս, որը հետ են վերցնում «Հայանտառ»-ից:
Աղբավայր կառուցելու համար նախագծով նախատեսվում է գյուղատնտեսության նախարարության հետ համաձայնեցված կարգով ապահովել հողամասում առկա անտառային հողը ոռոգման ջրով սնուցող 150 մմ տրամագծով խողովակաշարի շուրջ 800 մետր երկարությամբ հատվածի եւ մետաղական ցանկապատի ապամոնտաժում, տեղափոխում եւ վերատեղադրում:
Այս որոշման նախագիծը, ինչպես նշված է նիստի օրակարգում, ներկայացնելու է Երեւանի քաղաքապետ Տարոն Մարգարյանը:
Որոշման նախագծում նշված է, որ 1950-ական թվականներից սկսած Երեւան քաղաքի Էրեբունի վարչական շրջանում ավելի քան 30 հա մակերեսով տարածք օգտագործվում է որպես աղբավայր, խոսքը Նուբարաշենի աղբավայրի մասին է: Այս տարածքն, ինչպես գրված է նախագծում, ի սկզբանե չի նախագծվել եւ կառուցվել որեւէ ընդունված ստանդարտով որպես աղբավայր, այն չի համապատասխանում իր չափանիշներով միջազգային կամ որեւէ տեխնիկական, բնապահպանական եւ սանիտարահիգիենիկ չափանիշներին եւ հանդիսանում է բացառապես որպես աղբի կուտակման վայր, որի հետեւանքով առաջացել են մի շարք բնապահպանական, առողջապահական, անվտանգության եւ աղբավայրի շահագործման խնդիրներ:
Նոր աղբավայր կառուցելու նպատակով ՀՀ-ի եւ Վերակառուցման եւ զարգացման եվրոպական բանկի միջեւ 11.12.2015 թվականին ստորագրվել է «Երեանի կոշտ թափոնների ծրագիր» վարկային համաձայնագիրը, ՀՀ-ի եւ Եվրոպական ներդրումային բանկի միջեւ 16.10.2015 թվականին էլ ստորագրվել է՝ «Երեւանի կոշտ թափոններ-առաջին փուլ» ֆինանսավորման պայմանագիրը, ԱԺ-ն այս տարի վավերացրել :
Նելլի ԲԱԲԱՅԱՆ
