Մայրաքաղաքի՝ «Էրեբունի-Երևան 2750» շատրվանային համալիրին հարող պուրակը, որը հիմնադրման օրվանից մինչ օրս երբևէ չի ունեցել լուսավորության համակարգ, ապահովվել է արտաքին լուսավորությամբ: Երևանի քաղաքապետի հանձնարարությամբ մեկնարկած աշխատանքների շրջանակում «Երքաղլույս» ընկերությունը տարածքում տեղադրել է 4.5 մ բարձրությամբ թուջե հենասյուներ՝ 40 ձևավոր լուսատուներով: Հանրապետության հրապարակի շարունակությունը հանդիսացող պուրակի լուսավորությունը կատարվել է տեղանքին համահունչ՝ միասնական ոճով:
Հարկ է նշել, որ վերոնշյալ վայրում ևս արտաքին լուսավորության համակարգի սնուցման հաղորդալարերը, ինչպես վերջին տարիներին իրականացվող համանման աշխատանքների դեպքում, անցկացվել են ստորգետնյա եղանակով:
Երևանի քաղաքապետարանի մամլո հաղորդագրություն
